Аварыя на Чырвонаармейскай

У адну з начэй пачатку верасня адбылася аварыя на вуліцы Чырвонаармейскай, аднак з-за недахопу інфармацыі пайлі чуткі. Рэдакцыя папрасіла пракаментаваць сітуацыю старшага дзяржаўтаінспектара АДАІ РАУС маёра міліцыі Вадзіма Седзіна.

-- Сітуацыя развівалася наступным чынам. Экіпаж ДАІ нёс службу ноччу на вуліцы Ленінскай паблізу рэстарана “Хваля”. Міма праязджаў аўтамабіль Skoda з мінскімі нумарамі, які павярнуў налева на вуліцу Дзяржынскага. Увагу міліцыянераў ён прыцягнуў тым, што пры павароце не ўключыў адпаведны сігнал. Супрацоўнікі даехалі да яго і ўключэннем чырвонай і сіняй мігалак запатрабавалі спыніцца. У адказ вадзіцель Skoda прыбавіў хуткасці, спрабуючы адарвацца. Завязалася пагоня, якая, аднак, хутка скончылася. Парушальнік, зрабіўшы пару паваротаў, патрапіў на вуліцу Чырвонаармейскую і з разгону заехаў у двор прыватнага дома, дзе баротм з вадзіцельскага боку прыцёрся да цаглянай сцяны. За рулём аўтамабіля аказаўся жыхар Мінскай вобласці, які, як потым высветлілася, працаваў у Лепелі па працоўным дагаворы. Медыцынскае асведчанне паказала, што ён у момант кіравання машынай быў у стане алкагольнага ап’янення. Што падштурхнула яго ў такім стане сесці за руль, мне не зразумела.

Васіль МАТЫРКА.