Райветстанция: в их поле зрения — все хозяйства района
Пра тое, які вялікі аб’ём работы штодзень выконваюць работнікі лячэбна-прафілактычнай установы “Лепельская раённая ветэрынарная станцыя”, сведчыць толькі той факт, што ў полу зроку спецыялістаў знаходзяцца ўсе гаспадаркі раёна.
Лабараторныя даследаванні, правядзенне проб, пастаноўка дыягназаў, шматлікія прафілактычныя мерапрыемствы… Шэраг абавязкаў работнікаў станцыі вельмі вялікі. У асабліва напружаным рэжыме спецыялістам прыходзіцца працаваць у час эпідэміялагічных сітуацый. Ад іх прафесіяналізму спецыялістаў ветэрынарнай службы, тэрміновага вырашэння сітуацый залежыць стан жывёлы ўсяго раёна.
-- Прызнацца шчыра, цяжкасцей у сваёй рабоце я не заўважаю, таму што займаюся любімай справай, -- адзначае намеснік начальніка, загадчыца дыягнастычнай лабараторыі, старшыня прафсаюзнага камітэта раённай ветэрынарнай станцыі Ірына Кульбо. -- Я працую разам з людзьмі, якія добра ведаюць сваю справу. Кожны нясе адказнасць за пэўны ўчастак работы і стварае поспех усяго калектыву.
З Ірынай Іванаўнай знаёмыя многія чытачы “Лепельскага краю”. На старонках раённай газеты спецыяліст выступала на тэму прафілактыкі свінога, птушынага грыпу і многіх іншых захворванняў. Ветэрынарны ўрач прыводзіла канкрэтныя лічбы і падрабязна расказвала чытачам, якім чынам можна засцерагчы сваю жывёлу.
-- Працаваць у галіне ветэрынарыі я марыла ўжо ў школьным узросце, -- расказвае мая суразмоўца. -- Я заўсёды любіла жывёл, з цікавасцю сачыла за работай ветурачоў і ўжо тады ўяўляла сябе ў гэтай прафесіі.
Скончыўшы ў 2002 годзе сярэднюю школу №2 (зараз гімназія ім І.Ерашова), Ірына паступіла ў Лужаснянскі сельскагаспадарчытэхнікум на спецыяльнасць “ветэрынарная медыцына”. Маладая выпускніца каледжа ўдасканаліла сваю прафесійную падрыхтоўку, паступіўшы ў Беларускую сельскагаспадарчую акадэмію.
І зараз Ірына Іванаўна ўспамінае, якую цікавасць у яе выклікалі аперацыі жывёл, з якім задавальненнем яна сачыла за працэсам іх лячэння.
-- Ужо ў студэнцкія гады я пераканалася, наколькі карысная прафесія ветурача. Атрыманыя тэарэтычныя веды вельмі хацелася праявіць на практыцы.
І вось пачаліся працоўныя будні. Спачатку Ірына Іванаўна працавала лабарантам дыягнастычнай лабараторыі пры раённай ветэрынарнай станцыі, затым -- урачом-эпізаатологам. І вось шэсцьапошніх год Ірына Кульбо з’яўляецца намеснікам начальніка, загадчыцай дыягнастычнай лабараторыі Лепельскай раённай ветэрынарнай станцыі.
-- Што ўваходзіць у вашы працоўныя абавязкі?
-- Вяду кантроль за лабараторнымі даследаваннямі, адборам проб у замацаваных гаспадарках раёна, складаю планы іх правядзення, ажыццяўляю кантроль за правільнасцю пастаноўкі дыягназаў і г.д. Багатыя тэарэтычныя веды, якія я атрымала ў час вучобы ў Беларускай сельскагаспадарчай акадэміі, вельмі патрэбныя для мяне ў рабоце.
Вядома, асаблівую ўвагу мы ўдзяляем правядзенню прафілактычнай работы. Ні ў якім выпадку нельга дапусціць успышак захворванняў. Ад ветэрынарных урачоў патрабуем своечасовага правядзення шэрагу неабходных працэдур.
-- Для кожнага маладога спецыяліста вялікае значэнне маюць карысныя парады, якія ён атрымлівае ў сваіх вопытных калег. Хто для вас у свой час стаў настаўнікам у прафесіі?
-- Канечне, я вельмі ўдзячная выдатным спецыялістам, якія дзяліліся са мной сваімі напрацоўкамі. Яны, канечне, вельмі спатрэбіліся для мяне ў далейшай практыцы. Вельмі ўдзячная вопытным ветурачам Уладзіміру Трахаўцову, Анатолю Магеру. Па многіх пытаннях раілася са спецыялістамі Юліяй Мякінчык і Верай Мягчанкай. Наогул, я лічу, што ўсе цяжкасці пераадолець магчыма, калі работу выконвае дружны і зладжаны калектыў. Магу з упэўненасцю сказаць, што кожны са спецыялістаў ветэрынарнай станцыі дакладна ведае сваю справу.
Асаблівую радасць і заспакаенне Ірыне Іванаўне прыносіць не толькі любімая работа, а і сям’я. На працягу пятнаццаці год надзейнай апорай і падтрымкай па жыцці для жанчыны з’ўляецца муж Іван, які займаецца шынамантажом у аўтасэрвісе кафэ “555”.Сын Павел -- дзевяцікласнік гімназіі імя І.Ерашова г.Лепеля. Выхадныя дні дружная і шчаслівая сям’я праводзіць разам, любіць падарожнічаць. Ірына Іванаўна з задавальненнем гатуе для мужа і сына смачныя стравы, галава сям’і ў вольны час займаецца рыбалоўствам.
З нагоды Дня работнікаў сельскай гаспадаркі і перапрацоўчай прамысловасці аграпрамысловага комплексу Ірына Кульбо будзе ўзнагароджана Ганаровай граматай Віцебскай абласной прафсаюзнай арганізацыі Беларускага прафесійнага саюза работнікаў аграпрамысловага комплексу за шматгадовую добрасумленнную працу ў сістэме аграпрамысловага комплексу, вялікі ўклад у развіццё селькагаспадарчай вытворчасці.
-- Я лічу сябе шчаслівым чалавекам, таму што заўсёды іду з вялікім задавальненнем на работу і прыходжу дадому. Напэўна, гэта і ёсць галоўнае ў жыцці, -- шчыра прызнаецца Ірына Іванаўна, і ў гэтых словах захоўваецца вялікі сэнс.
Святлана Вазняк.
Пожар квартиры в Лепельском районе
Валет Петрович 24.04.2024 11:04Пожар квартиры в Лепельском районе
Валет Петрович 24.04.2024 11:04Слова благодарности в адрес хлебопеков
Наталья Филимончик 02.04.2024 14:12УБИЙСТВО В ЛЕПЕЛЕ
лепе 25.03.2024 17:10За установку автоматов — 620 рублей. «Ходоки»-электрики снова донимают пенсионеров
Валет 23.03.2024 23:43