У цяперашні час надзейная дапамога аказваецца грамадзянам з боку ўпраўлення па працы, занятасці і сацыяльнай абароны райвыканкама, Лепельскага раённага аддзела Фонду сацыяльнай абароны насельніцтва Міністэрства працы і сацыяльнай абароны РБ.
Дзень работнікаў сацыяльнай абароны – гэта прафесійнае свята людзей, для якіх стала прызваннем акружаць людзей шчырасцю, увагай і душэўнай цеплынёй, якія гатовы ў любой сітуацыі быць патрэбнымі. У цяперашні час надзейная дапамога аказваецца грамадзянам з боку ўпраўлення па працы, занятасці і сацыяльнай абароны райвыканкама, Лепельскага раённага аддзела Фонду сацыяльнай абароны насельніцтва Міністэрства працы і сацыяльнай абароны Рэспублікі Беларусь, а таксама дзяржаўнай установы «Тэрытарыяльны цэнтр сацыяльнага абслугоўвання насельніцтва Лепельскага раёна». Прафесіяналізмам, энергіяй і душэўнай цеплынёй людзей, якія працуюць у сацыяльнай галіне, можна толькі захапляцца. Работнікі сацыяльнай службы забяспечваюць своечасовае атрыманне грамадзянамі працоўных пенсій і розных відаў дапамог, аказваюць неабходныя кансультацыі наведвальнікам. Дзякуючы работнікам Лепельскага раённага аддзела Фонду сацыяльнай абароны насельніцтва пастаянна аказваецца дапамога маладым маці, розным катэгорыям сем’яў і дзецям-інвалідам. Дзяржаўная ж установа «Тэрытарыяльны цэнтр сацыяльнага абслугоўвання насельніцтва» – гэта тая ўстанова, куды штодзень звяртаюцца дзясяткі людзей. Патрэба ў фінансавай падтрымцы, парады псіхолага, цікавае і змястоўнае правядзенне вольнага часу… З шэрагам пытанняў жыхары раёна звяртаюцца ў тэрытарыяльны цэнтр, і просьба кожнага не застаецца без увагі.