Напярэдадні Дня Вялікай Перамогі і ў Год беларускай жанчыны распачынаем важную рубрыку “Жанчыны Перамогі”
У гады Вялікай Айчыннай вайны 1941-1945 гадоў, побач з мужчынамі, плячо ў плячо, стаялі і жанчыны. Іх унёсак у набліжэнне Перамогі быў неацэнным, шматгранным і часта незаўважным, але ад гэтага не менш значным.
Жанчыны не толькі чакалі сваіх родных з вайны, але і самі браліся за зброю: ваявалі на фронце, у партызанскіх атрадах, удзельнічалі ў падпольным руху.
У тыле жанчыны працавалі на заводах і фабрыках, замяняючы мужчын, якія пайшлі на фронт, вырошчвалі ўраджай, даглядалі дзяцей. І, нарэшце, многія з іх паклалі на алтар Перамогі самае дарагое – жыцці сваіх сыноў, мужоў, братоў. І праз дзесяцігоддзі пасля вайны не сціхаў невыносны боль страты ў жаночых сэрцах, але яны верылі ў тое, што ахвяры іх родных былі не дарэмнымі.
Але варта памятаць, што шлях да Перамогі быў высланы не толькі радаснымі трыумфамі, але і крывавымі ахвярамі. Вайна не шкадавала нікога, жанчыны гінулі нароўні з мужчынамі. Складана сказаць, колькі нашых зямлячак не вярнулася з вайны, на вечна застаўшыся маладымі.
У новай рубрыцы будзем расказаць пра гэтых незвычайных жанчын – жанчын Перамогі. Пра тых, хто сваім прыкладам даказаў, што жаночая сіла не ведае межаў, і што ў імя Радзімы яны гатовыя на любыя подзвігі.
Ніна Аляксандраўна Жураўская
Ніна Жураўская нарадзілася ў 1897 годзе ў в. Камень Лепельскага раёна. Да вайны жыла ў Мінску і працавала ў медінстытуце. Адразу пасля акупацыі горада Ніна па заданні камандавання партызанскага атрада ім В.І. Чапаева ўладкавалася ў бальніцу. Так яна магла забяспечваць партызан неабходнымі медыкаментамі і перавязачным матэрыялам.
У лістападзе 1942 года Ніна Аляксандраўна сышла ў партызанскі атрад і паўгода ўдзельнічала ва ўсіх спецаперацыях атрада, ратуючы параненых падчас баёў і аказваючы ім меддапамогу падчас лячэння ў лясных умовах.
22 чэрвеня 1943 года атрад ім. В.І.Чапаева ператварыўся ў аднайменную брыгаду, а Ніна ўзначаліла санітарную службу. Яе стараннямі ў строй пасля раненняў вярнулася каля сотні партызан.
За баявыя і працоўныя заслугі Ніна Жураўская ўзнагароджана ордэнам Леніна (1944), медалём “Партызану Айчыннай вайны” I ступені (1944), «За перамогу над Германіяй у Вялікай Айчыннай вайне 1941–1945 гг.»
Валерый Тухта
