Урочышча Пяскі – яшчэ адзін мемарыяльны комплекс на тэрыторыі Беларусі, які сведчыць пра зверствы фашыстаў у гады Вялікай Айчыннай вайны.
Вучні 11 класа дзяржаўнай установы адукацыі “Бароўская сярэдняя школа імя Г.К.Жукава Лепельскага раёна” завяршаюць вывучэнне твора Васіля Быкава “Знак бяды”. Рэспубліканскі пілотны праект па арганізацыі экскурсій дазволіў даведацца пра лёс З. М. Тусналобавай-Марчанка, Героя Савецкага Саюза. Яе актыўная грамадзянская пазіцыя, прага да жыцця павінны дапамагчы зразумець характар персанажаў твораў В. Быкава. Урочышча Пяскі – яшчэ адзін мемарыяльны комплекс на тэрыторыі Беларусі, які сведчыць пра зверствы фашыстаў у гады Вялікай Айчыннай вайны. Ён знаходзіцца каля Полацка, і вучні нашай школы ніколі раней не наведвалі гэтае месца. Сёння мы мелі магчымасць аддаць даніну павагі тым, хто навечна застаўся Невядомым салдатам.
Па традыцыі, нашы настаўнікі таксама працавалі экскурсаводамі: расказвалі пра цікавыя гістарычныя аб’екты, што сустракаліся па дарозе.