З гонарам адзначаем, што лепяльчане праслаўляюць раён сваімі поспехамі не толькі на ўзроўні краіны, а і за мяжой.
Юлія Стычынская з г. Лепеля, наша зямлячка, стала чэмпіёнам свету па стральбе з пісталета Макарава ў час правядзення III Сусветных курсанцкіх гульняў, дзе паказала найвышэйшы вынік.
Юлія вучыцца ва ўстанове адукацыі “Ваенная акадэмія Рэспублікі Беларусь” па спецыяльнасці “практычная псіхалогія ў ваеннай справе”. Як адзначыла дзяўчына, больш цікавую вучобу цяжкка сабе ўявіць. Акрамя заняткаў у класах з высокакваліфікаванымі выкладчыкамі, практычных заняткаў па правядзенні псіхалагічных дыягностык і трэнінгаў, у будучых ваенных псіхолагаў прадугледжаны заняткі па агнявой падрыхтоўцы і кіраванні баявымі аўтамабілямі. Менавіта ў час такіх заняткаў Юлія развіла свае здольнасці ў стральбе з пісталета Макарава і прынесла перамогу і славу не толькі Ваеннай акадэміі, а і сваёй малой радзіме.
Святлана ВАЗНЯК
