Незаўважна прамінула два месяцы, як Яўген Гайко прымерыў на сябе ваенную форму.
І ў першае сваё звальненне завітаў дадому ў Гаразянкі. Служыць хлопец у 72 гвардзейскім аб’яднаным вучэбным цэнтры, дзе набывае адну з вайсковых спецыяльнасцей.
З малых гадоў Яўген быў прывучаны да працы, быць самастойным, таму даволі хутка адаптаваўся да строгага армейскага распарадку. Хлопец адзначае, што заняткі па дапрызыўнай падрыхтоўцы, якія наведваў падчас вучобы ў школе, таксама сфарміравалі пэўны “багаж” ведаў па асновах ваеннай службы.
Вялікае значэнне таксама мае і тое, што падчас вучобы ў Слабадской сярэдняй школе імя М. М. Пшонкі, на працягу многіх гадоў з’яўляўся ўдзельнікам гісторыка-краязнаўчага гуртка “Нашчадкі” і пошукавага клуба “Слабадскія следапыты”. Разам з іншымі вучнямі хлопец вывучаў ваенную гісторыю Слабадскога краю, даследаваў біяграфіі сваіх – родзічаў удзельнікаў Вялікай Айчыннай вайны.
Вялікім гонарам для сябе лічу тое, што спрычыніўся да стварэння шэрагу экспазіцый школьнага музея, а падчас адной з экспедыцый з сябрамі-следапытамі выявілі невядомую раней магілу чырвонаармейца, пахаванага жыхарамі Гаразянак у лесе летам 1941 года. Менавіта веданне ваеннай гісторыі свай краю ўмацоўвае пачуццё патрыятызму, гонар за гераічнае мінулае прадзедаў. Гэтае пачуццё дапамагае падчас службы, больш адказна ставіцца да воінскіх абавязкаў – падсумоўвае аповед Яўген.
Наперадзе ў Яўгена Гайко насычаныя армейскія будні па авалоданні асновамі воінскай спецыяльнасці. Хочацца пажадаць хлопцу кемлівасці і ўменні ўсю службу прайсці з гонарам і доблесцю, выканаўшы свой абавязак па абароне Радзімы!
Валерый Тухта
На здымку: Яўген Гайко
Фота аўтара
