7 сакавіка, напярэдадні свята «Міжнародны дзень жанчын», ў Лепельскім Цэнтры рамёстваў адбылося адкрыццё выставы мастацкіх работ Аляксандра і Марыны Саўчанка «Вечная вясна».
На мерапрыемстве гасцям былі прадстаўлены мастацкія работы Марыны і Аляксандра, на якіх адлюстраваны вясновыя кветкі, што задалі святочны настрой усім прысутным!
Падчас мерапрыемства Марына Віктараўна прадэманстравала святочную веліч кветак у мастацкай тэхніцы «халодны батык», а Аляксандр Аляксандравіч падарыў глядачам прыгажосць простых кветак, якія вельмi дарагія сэрцу кожнага беларуса!
Хочацца адзначыць, што выстава сабрала шмат сяброў, родных і калег, якія выказалі свае віншаванні і ўдзячнасць за іх талент і майстэрства, якія натхняюць і цешаць душу. Сябры зачыталі вершы ўласнага сачынення пра мастацтва і вясну, падарылі шмат кветак з добрымі і цёплымі пажаданнямі.
Прысутныя адзначылi непаўторную прыгажосць і яскравасць перадачы колеру і ўнутранага свету Марыны ў яе тэхніцы выканання халоднага батыка. Таксама іх уразіла тонкае ўспрыманне навакольнага свету і перадача непаўторнага хараства прыроды ў мастацкіх работах Аляксандра!