18-19 мая 2023 года ў г.Мінску адбыўся III Міжнародны форум даследчыкаў беларускай казкі і міфалогіі, арганізатар –Цэнтр даследаванняў беларускай культуры, мовы і літаратуры Нацыянальнай акадэіміі навук Беларусі.
Больш за 50 дзяцей Віцебскай вобласці сталі ўдзельнікамі дзіцячага конкурса выканальнікаў беларускай казкі ў межах III Міжнароднага форума даследчыкаў беларускай казкі і міфалогіі у Нацыянальнай Акадэміі навук Рэспублікі Беларусь. З іх тры ўладальніка дыпломаў 2 і 3 ступені (Лепельскі і Віцебскі раёны).Усе удзельнікі конкурса атрымалі дыпломы і падарункі.
У форуме прынялі ўдзел навукоўцы з Беларусі, Расіі, Польшчы, Эстоніі, Абхазіі. Прайшла Міжнародная навуковая канферэнцыя «Народная казачная проза: архаічная традыцыя vs сучасная інтэрпрэтацыя», адбыліся выступленні казачнікаў старэйшага пакалення і пераможцаў дзіцячага конкурсу выканаўцаў беларускай народнай казкі, круглыя сталы «Сучасная літаратурная казка: паміж выдумкай і праўдай» і «Беларуская міфалогія: ад аўтэнтыкі да містыфікацый», выстаўкі тэматычных публікацый і ілюстрацый да зборнікаў казак. Сярод удзельнікаў форума – начальнік аддзела традыцыйнай культуры ДУ ”Віцебскі абласны метадычны цэнтр народнай творчасці“ Лілія Рэзкіна. Яна узнагароджана Ганаровай граматай за асабісты ўнёсак у справу захавання і папулярызацыі фальклорнай спадчыны беларусаў і ўнікальны талент апавядальніка.
