У выніку павышэння ўзроўню вады ў рэках Ула, Эса і возеры Проша адбылося падтапленне прыватных падвор’яў і гаспадарчых пабудоў, а таксама ўчасткаў дарог па шэрагу вуліц.
У выніку павышэння ўзроўню вады ў рэках Ула, Эса і возеры Проша адбылося падтапленне прыватных падвор’яў і гаспадарчых пабудоў, а таксама ўчасткаў дарог па шэрагу вуліц. Адна жыхарка г.Лепеля на час падтаплення пераехала да сваіх родных.
У 12 гадзін 30 хвілін была прыцягнута аўтацыстэрна ля падамавога абходу і аказання дапамогі насельніцтву, якое пацярпела ад паводкі (падняцце мэблі і вынас маёмасці, аказанне дапамогі па выцягванні з вады тэхнікі, хатніх жывёл).
Усяго былі затоплены адзін дом, 28 падвор’яў, 65 гаспадарчых пабудоў і тры ўчасткі дарог. У зоне падтаплення пражывае 61 члавек, сярод якіх дзевяць дзяцей.
Узровень вады на ўчастку дарогі па вуліцы Бярэзінскай над палатном дарогі складае 28 сантыметраў, даўжыня разліву дасягае 33 метры. Узровень вады на ўчастку дарогі па завулку Бярэзінскі над палатном дарогі складае 44 сантыметры, даўжыня разліву складае 44 метры. Узровень вады на ўчастку дарогі ў вёсцы Куляшы над палатном дарогі складае 48 сантыметраў, даўжыня разліву — 185 метраў. Аб’язныя дарогі ёсць, праведзена апавяшчэнне насельніцтва.
У раёне падтаплення для ацэнкі становішча працавала выязная камісія па надзвычайных сітуацыях райвыканкама пад кіраўніцтвам старшыні Камітэта па надзвычайных сітуацыях — намесніка старшыні райвыканкама па будаўніцтве і жыллёва-камунальнай гаспадарцы Сяргея Быстрыцкага.
У час правядзення ацэнкі было прынята рашэнне аб правядзенні штодзённага маніторынгу аператыўнай групай падтопленых прыватных падвор’яў і гаспадарчых пабудоў.
У выніку падтаплення транспартнае паведамленне часткова замаруджана (праязджае грузавы транспарт, ёсць аб’язныя шляхі).
Пра падтапленне праінфармаваны Лепельскі раённы аддзел унутраных спраў, установа аховы здароўя “Лепельская цэнтральная раённая бальніца”, Лепельскі раён газазабеспячэння УП “Віцебскаблгаз”, райвыканкам, Лепельскі філіял РУВП “ДРБУ-202” і КУВП “Бароўка”. Лепельскім РАНС вядзецца пастаянны маніторынг гідралагічнага становішча, у тым ліку і на Лепельскай гідраэлектрастанцыі ў г.Лепелі. Лепельскім раёнам электрасетак арганізавана круласутачнае дзяжурства на шлюзе ў г.Лепелі, які ўплывае на ўзровень вады ў рацэ Ула і возеры Проша.
Іван МАСКАЛЬКОЎ, начальнік Лепельскага РАНС
