16 сакавіка з мэтай выхавання патрыятызму і любові да Радзімы, а таксама развіцця і папулярызацыі юнацкага баскетболу ў раёне, на базе Лепельскага аграрна–тэхнічнага каледжа прайшоў турнір па баскетболе.
16 сакавіка з мэтай выхавання патрыятызму і любові да Радзімы, а таксама развіцця і папулярызацыі юнацкага баскетболу ў раёне, на базе Лепельскага аграрна–тэхнічнага каледжа прайшоў турнір па баскетболе, прысвечаны памяці воіна-інтэрнацыяналіста Ігара Салаўева. Удзельнікамі спаборніцтва сталі юнакі, якія вучацца ў школах Лепельшчыны.
Сяргей Крывель – старшыня Лепельскай раённай арганізацыі грамадскага аб’яднання «Беларускі саюз ветэранаў вайны ў Афганістане» на адкрыцці мерапрыемства сказаў:
— Рады вітаць усіх вас: удзельнікаў і гасцей xxv турніру па баскетболе, прысвечанага памяці Ігара Салаўёва.
Упэўнены, што спаборніцтва адыграе важную ролю ва ўмацаванні духоўнага братэрства, і вядома, паслужыць развіццю юнацкага спорту, выхаванню ў падрастаючага пакалення належных адносін да здаровага ладу жыцця і сумленнай спартыўнай барацьбы. Ад усёй душы жадаю ўдзельнікам турніру заслужаных перамог, моцнага здароўя, шчаслівага мірнага жыцця.
Да прывітальных слоў далучыліся Валяр’ян Мацкевіч – старшыня Віцебскай абласной арганізацыі грамадскага аб’яднання «Беларускі саюз ветэранаў вайны ў Афганістане», Алена Скорба — загадчык сектара спорту і турызму Лепельскага райвыканкама, падпалкоўнік Андрэй Пухальскі – ваенны камісар Лепельскага і Ушачскага раёнаў.
Турнір пачаўся з прыемных момантаў — уручэння воінам-інтэрнацыяналістам юбілейных медалёў «35 гадоў вываду савецкіх войскаў з Афганістана».
За актыўны ўдзел у сацыяльнай абароне воінаў-інтэрнацыяналістаў і членаў сем’яў загінулых у Рэспубліцы Афганістан граматай Віцебскай абласной арганізацыі грамадскага аб’яднання «Беларускі саюз ветэранаў вайны ў Афганістане» быў узнагароджаны ваенны камісар Лепельскага і Ушачскага раёнаў Андрэй Пухальскі.
Медаль “За заслугі” 2-й ступені атрымаў Антон Лямцаў — старшыня Лепельскай РАС ДТСААФ.
Як вядома высокія вынікі ў баскетболе дасягаюцца толькі пры наяўнасці належнай тэхнічнай падрыхтоўкі кожнага з удзельнікаў каманды.
Усе гульні турніру былі вельмі цікавымі і актыўнымі, а галоўнае, што і спартсмены, і балельшчыкі атрымалі зарад станоўчых эмоцый.
Па выніках спаборніцтваў каманд
месцы размеркаваліся наступным чынам:
1-е месца — ДУА «Сярэдняя школа №3 г. Лепеля»,
2-е месца — ДУА «Сярэдняя школа № 1 г. Лепеля»,
3-е месца — ДУА «Гімназія імяІ.М. Ерашова г. Лепеля».
