29 марта
...
прогноз на 5 дней
9 oC пасмурно
доллар евро рубль РФ

Архив новостей

Март 2024
ПнВтСрЧтПтСбВс
262728291 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 293031

Последние отзывы

УБИЙСТВО В ЛЕПЕЛЕ

лепе 25.03.2024 17:10
лепеле...

За установку автоматов — 620 рублей. «Ходоки»-электрики снова донимают пенсионеров

Валет 23.03.2024 23:43
Прикол в том, что официальные расценки ЖКХ не намного дешевле этих)...

Замечательный педагог Лариса Сковородко встретила свой 85-летний юбилей

Алла Орлова 16.01.2024 20:41
Здравствуйте, ,Лепельский край,,. А мы отмечаем 85-летие сестры-близнеца Ларисы Васильевны -- Берестень ......

Пожар квартиры в Лепельском районе

Сергей 05.01.2024 18:07
Почему его не аристовали была угроза взрыва газа в Заслоново....

Чтобы не наделать бед - стал на лёд, одень жилет!

Анатолий 15.12.2023 18:31
Полная чушь. Всё рассчитано на идиотов. Спасжилет может только помешать. Это правило должно быть ......

Ажыўлены гандаль у апошнюю нядзелю года

28.12.2022, 08:38
543
0

Пра тое, што мінулы базарны дзень будзе апошнім у бягучым годзе, успомніў позна, таму і да базарнай плошчы дабраўся толькі а 12-й гадзіне.

Верагодна, па гэтай прычыне ў мясным павільёне не заспеў прадпрымальніка, які прадае свежую свініну. Хутчэй за ўсё ён распрадаў свой тавар, попыт на які перад вялікім святам павялічыўся.

У малочным павільёне таксама малочнай прадукацыі не ўбачыў. Як сказалі мае знаёмыя, самаробныя тварог, смятану і масла пакупнікі разабралі даволі хутка, а малако ўвогуле было прададзена па папярэдніх заказах. Са звычайнага тавару заставаліся хіба што яйкі па пяць рублёў за дзясятак і мёд па восем-дзевяць рублёў за паўлітровы слоік. Вядома ж, тут было шмат прывазной садавіны і гародніны, пячэння, цукерак і іншых кандытарскіх тавараў.

З тавараў мясцовай вытворчасці на сельскагаспадарчай пляцоўцы можна было набыць бульбу, зерне, моркву, буракі, капусту і яблыкі. Аднак пра ўсё па парадку.

У нядзелю было прывезена больш, як пяць машын бульбы. За 10-літровае вядро клубняў прасілі 7-8 рублёў. Верагодна, рыхтуючыся да навагодняга стала, жыхары раёна набывалі бульбу вельмі актыўна. Па словах знаёмых, даволі актыўна прадаваліся морква і буракі па 1, 5 рублі за кілаграм.

-- Напэўна, гаспадыні набываюць бульбу для селядцу пад шубай, а моркву -- для іншых салатаў, -- з усмешкай адзначыў лепяльчанін, які стаў выпадковым суразмоўцам.

-- А вы чаму без пакупак?

-- Збіраўся набыць у прадаўцоў пастаўскага рыбгаса жывую рыбу -- карпаў або таўсталобікаў, але ў цяперашні час яны чамусьці не прыехалі. З пустым пакетам і іду дахаты.

-- Можна было б на тыя грошы чагосьці іншага купіць…

-- Усё неабходнае ўжо даўно куплена.

Выдатным упрыгажэннем святочнага стала могуць быць яблыкі. Так, адзін вясковец прадаваў зялёныя крамяныя плады антонаўкі па рублі за кілаграм, другі -- чырванабокія сартавыя яблыкі па цане ад 50 капеек да 1,50 за кілаграм, у залежнасці ад якасці. У час прыходу карэспандэнта абодва прадаўцы рэалізавалі амаль увесь свой тавар.

З мясцовай гародніны варта назваць капусту, якая прадавалася па цане ад 70 да 90 капеек за кілаграм.

Паколькі заставалася не так шмат часу для таго, каб прайсці па шэрагах, я вырашыў сканцэнтраваць увагу на галоўных навагодніх атрыбутах -- ялінках, цацках і гірляндах. Жывую ялінку можна набыць на рынку і.п.Мацешы, таму, праходзячы па цэнтральным базары, вырашыў звярнуць увагу на штучныя ялінкі. Спачатку пашанцавала: сустрэў некалькі чалавек, якія неслі ў руках толькі што набытыя ялінкі, але пошук сярод ралетаў расчараваў. Адразу штучных дрэўцаў, якія прадаваліся, не знайшоў. Толькі пад час другога абходу заўважыў ля ралета тры дрэўцы па 90, 100 і 260 рублёў за штуку. Прадавец адзначыла, што раніцай ялінак было больш, але на працягу гандлёвага дня яны былі раскуплены.

Ёлачныя цацкі і гірлянды былі прадстаўлены на многіх прылаўках. Самым танным быў набор з васьмі маленькіх шкляных шарыкаў за паўтары рублі. Самыя дарагія з заўважаных былі вялікія шары па 20 рублёў за набор з шасці штук. Самая танная электрычная гірлянда для маленькай настольнай ялінкі каштавала 12 рублёў, цана большых даходзіла да 30 рублёў і вышэй.

Нарэшце, я палічыў, што сваю задачу выканаў і рушыў дахаты. Наступнае наведванне базару адбудзецца ўжо ў наступным годзе.

Тэкст і фота: Б. САНЕЎ.

На здымку: чалавек купіў ялінку да свята.

Автор

Отзывы


При использовании материалов с сайта, гиперссылка на источник, открытая для индексирования, ОБЯЗАТЕЛЬНА!

 

Лепель. Лепельский край. Районная газета © 2023 Все права защищены.


artpay transparentbelcard transparentMastercard transparentvisa transparentvbv transparentMCSC transparent

0+
Яндекс.Метрика