Прыйшла зіма нечакана
За апошнія гады мы прывыклі да мяккіх зім, калі здараюцца частыя адлігі, тэмпература паветра ўстойліва трымаецца каля нулявой адзнакі. Многія нават могуць прыгадаць дождж у навагоднюю ноч. Аднак сёлета прырода прынесла сюрпрыз у выглядзе сапраўднай беларускай зімы.
Сёлета ўстойлівае снегавое покрыва лягло на зямлю 18 лістапада. З гэтага часу яго таўшчыня дасягнула 20-21 сантыметра, за азначаны перыяд выпала 42 міліметры ападкаў.
Негатыўным фактарам можна лічыць тыя абставіны, што снег лёг на непадмарожаную, мяккую глебу. Расліны, у першую чаргу азімыя збожжавыя, не прайшлі ў поўнай меры стадыю загартоўвання, падрыхтоўкі да зімавання. Такі стан спраў можа негатыўным чынам праявіцца пры надыходзе адлігі або вясной, калі канчаткова пачне таяць снег. У такіх сітуацыях непадмерзлая глеба і парасткі на ёй могуць быць паражаны цвіллю.
Аднак трывогу біць пакуль што рана. Паводле нашых назіранняў, у першай дэкадзе снежня начныя тэмпературы паветра апускаліся да -11…-12 градусаў. Пад іх уздзеяннем мароз у многіх месцах дасягнуў глебы, на некаторых участках зафіксавана прамярзанне глыбінёй да аднаго сантыметра.
Чакаецца, што ў бліжэйшы час захаваецца падобнае надвор’е. У наступныя дні прагназуецца дзённая тэмпература ў межах 0…-50С, ноччу чакаецца да -2…-70С, а пры праясненнях тэмпература можа апускацца да -110С.
Таццяна ДЗЯМ’ЯНЧАНКА,
спецыяліст Лепельскай раённай
метэастанцыі.
Пожар квартиры в Лепельском районе
Валет Петрович 24.04.2024 11:04Пожар квартиры в Лепельском районе
Валет Петрович 24.04.2024 11:04Слова благодарности в адрес хлебопеков
Наталья Филимончик 02.04.2024 14:12УБИЙСТВО В ЛЕПЕЛЕ
лепе 25.03.2024 17:10За установку автоматов — 620 рублей. «Ходоки»-электрики снова донимают пенсионеров
Валет 23.03.2024 23:43