Адкрыццё выставы “Творчае асарці”

На выставе настаўнікі мастацкага аддзялення не толькі прадэманстравалі свой узровень, вопыт і разнастайнасць навыкаў, але і тое, што яны тонка адчуваюць прыроду і яе настрой, адносіны паміж людзьмі іх думкі, мары і шмат іншага, і даводзяць гэта да гледача праз свае работы.
Сёння былі прадстаўлены работы ў розных накірунках мастацтва. Гэта вельмі цёплы, сакавіты батык – ад Саўчанка Марыны Віктараўны, традыцыйная і канечне аўтарская выцінанка Сакаловай Дар’і Аляксандраўны, непаўторныя і нават чароўныя керамічныя вырабы Сімановіча Анатоля Уладзіміравіча і Казырыцкай Вольгі Мікалаеўны. Вольгай Мікалаеўнай была прадэманстравана тонкая, ажурная тэхніка саломапляцення. А вось Вольга Міхайлаўна Заікіна паказала, што мастак заўсёды эксперыментуе і сёння яна прадставіла маляўнічыя карціны выкананыя у тэхніцы вышыўкі крыжыкам. Дзяніс Міхайлавіч Казырыцкі на сваіх маляўнічых палотнах з графічнымі элементамі, паказаў складаную і ў той жа час простую філасофію, бо з дробязяў складаецца ўсё наша жыццё. Так і Івана Мікалаевіч Будзіч дэманструе ўменне перадачы сэнсу, настрою, таямнічасці і шмат чаго яшчэ праз графічныя афішы да спектакляў. А вось жывапіс Аляксандра Аляксандравіча Саўчанка не зблытаеш ні з якім іншым, бо ён так тонка адчувае беларускую прыроду і перадае на карцінах, пры дапамозе фарбаў, яе настрой, веліч і хараство, яе каларыт. Свой мастацкі талент у розных тэхніках прадставіла Самонава Марына Уладзіміраўна. Асабліва кранае гледача карціна с прызывам "Крочыць наперад" і " Дзяўчына Восень". Таксама свой талент мастака прадэманстравала маладая дэбютантка Ірына Васільеўна Фралова, якая прадставіла беларускія краявіды, такія родныя і блізкія кожнаму.
Віншуем настаўнікаў з адкрыццём выставы, жадаем добрага настрою, бясконцага надхнення і ўдзячных гледачоў, аматараў іх творчасці.
А ўсіх, хто не змог прысутнічаць на адкрыцці выставы, запрашаем наведаць да 11 кастрычніка.
Чакаем Вас!