29 ноября
...
прогноз на 5 дней
-1 oC пасмурно
доллар евро рубль РФ

Архив новостей

Ноябрь 2022
Пн Вт Ср Чт Пт Сб Вс
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Последние отзывы

Требуется продавец-консультант в​ магазин памятников

Мария 23.11.2022 19:37
Здравствуйте! Рассматриваю вашу вакансию и готова работать. Но можно ли узнать ваш точный адрес ......

Дорогами мужества и стойкости…

Администратор 23.09.2022 09:42
Оставляем комментарии...

Прапанова перавышае попыт

28.09.2022, 08:51
208
0
Неабачліва я меркаваў, што ў першыя пасля кірмашу выхадныя актыўнасць на сельскагаспадарчай пляцоўцы будзе мінімальнай, але радыкальна памыліўся – вяскоўцы прывезлі вялікую колькасць уласнай прадукцыі.

Неабачліва я меркаваў, што ў першыя пасля кірмашу выхадныя актыўнасць на сельскагаспадарчай пляцоўцы будзе мінімальнай, але радыкальна памыліўся – вяскоўцы прывезлі вялікую колькасць уласнай прадукцыі. Толькі прадаўцоў бульбы налічыў не менш за 15 чалавек, больш за пяць -- прадавалі збожжа, на сталах перад машынамі былі выкладзены буракі, морква, капуста, памідоры, агуркі, перац, часнок, яблыкі, грушы, слівы і г.д.

Пачнём з галоўнага. Да пачатку кірмашу цана на бульбу трымалася на ўзроўні дзесяці рублёў за стандартнае 10-літровае вядро. Пад час кірмашу яго кошт знізіўся на 2 рублі, а ў мінулыя выхадныя пераважная большасць прадаўцоў прасіла 9-10 рублёў. Некаторыя пагаджаліся і на кошт у 8 рублёў за вядро, але пры ўмове набыцця значных аб’ёмаў, ад 2 мяхоў і больш.

На кірмашы зерне прадавалася па 5 рублёў за вядро. На наступныя выхадныя кошт вярнуўся да ранейшых значэнняў -- 6 рублёў. Людзі набывалі ячмень і пшаніцу для кур, авёс -- для трусоў і коз, а жыта -- для засейвання ўласных участкаў сідэратамі.

Кілаграм капусты прапаноўвалася коштам ад 80 капеек да 1 рубля, цана на чырвоныя буракі, моркву вагалася каля 2 рублёў за кілаграм, як і на агуркі. Памідоры можна было набыць па цане ад 50 капеек да 4 рублёў за кілаграм, усё залежыла ад сорту і якасці.

Знаёмыя прадаўцы ў гутарках выказваліся: “На вялікі жаль, мала прыйшло пакупнікоў, большую частку тавару давядзецца, напэўна, везці дахаты. Людзі адвыклі закупляць бульбу для захоўвання, капусту для квашання”. Адна жанчына прызнавалася, што да 12-й гадзіны ёй не ўдалося прадаць ні аднаго вядра бульбы.

Такім чынам выдатна ілюструецца хісткая і неадназначная сітуацыя ў земляробстве: пры неўраджаі кошт сельскагаспадарчай прадцукцыі расце, але таварнай прадукцыі мала. Пры ўраджаі ж кошт зніжаецца, змяншаючы грашовую выручку.

Аднак у нядзелю прапаноўваўся тавар, на які сёлета склаўся даволі ўстойлівы попыт, -- журавіны. Іх бачыў у некалькіх прадаўцоў на сельгаспляцоўцы і на крытых шэрагах. Кошт устанавіўся па 6 рублёў за літр. Да канца базарнага дня амаль усе ягады былі распрададзены. Высокі кошт, па словах прадаўцоў, абумоўлены тым, што з-за засухі сёлета журавіны не ўрадзілі, таму, каб сабраць іх, трэба доўга блукаць і шукаць па балотах.

Апошнім часам усталяваўся трывалы попыт на курыныя яйкі. Ужо больш як месяц яны прапануюцца коштам 4 рублі за дзясятак, і да 11-й гадзіны іх набыць амаль немагчыма, як, дарэчы, малако і малочную прадукцыю. Вяскоўцы ўсё менш і менш трымаюць кароў, таму іх прадукцыі прывозіцца менш. Кошт пры гэтым ад вясны не змяніўся. Напрыклад, 3-літровы слоік малака па-ранейшаму можна набыць за 6-7, а паўлітра смятаны -- за 3 рублі.

Заўважу, што цана на мёд усталявалася на ўзроўні 9 рублёў за паўлітровы слоік. Для параўнання, вясной салодкая прадукцыя каштавала на рубель танней.

Рэчавы рынак апошнім часам не можа парадаваць ранейшай разнастайнасцю. Па словах прадпрымальнікаў, якія працуюць у ралетах, яны пакрыху згортваюць сваю справу. Некаторыя выказваюцца радыкальна: кажуць, што распрадаюць рэшткі тавару і спыняюць сваю дзейнасць. Для сябе ж заўважу, што многія гаспадарчыя тавары па-ранейшаму можна набываць на базары ў выхадныя дні. Галоўным чынам гэта гаспадарчы і кухонны посуд, садова-агародны, цяслярскі і слясарскі інструмент. Нярэдка патрэбныя прылады працы можна ўбачыць у кропках, якія гандлююць таварам, былым у карыстанні.

Б. САНЕЎ.

На здымку: тыповая сітуацыя на сельгаспляцоўцы: прадаўцоў шмат, а пакупнікоў мала.

Автор

Отзывы


Лепель. Лепельский край. Районная газета © 2022 Все права защищены.


artpay transparentbelcard transparentMastercard transparentvisa transparentvbv transparentMCSC transparent

0+
Яндекс.Метрика