Прэзентацыя кнігі “Генацыд беларускага народа”.
У цэнтральнай раённай бібліятэцы навучэнцы ДУА «Лепельскі аграрна-тэхнічны каледж» азнаёміліся з прэзентацыяй кнігі «Генацыд беларускага народа».
Выкарыстоўваючы дакументальныя матэрыялы з кнігі дзецям было расказана аб тым, якія былі планы нацысцкай Германіі ў адносінах да тэрыторыі Беларусі і грамадзянскага насельніцтва, аб месцах прымусовага ўтрымання і знішчэння — канцэнтрацыйных лагерах, арганізаваных на тэрыторыі Беларусі. Яшчэ як праводзілася планамерная палітыка знішчэння мірнага насельніцтва шляхам гвалтоўнага перасялення ў Германію для выканання прымусовых работ. Пазнаёміліся з паняццем калабарацыянізм і варварскай дзейнасцю іх прадстаўнікоў на захопленай тэрыторыі. Пазнаёміліся з уключанымі ў кнігу матэрыяламі з крымінальных справаў экстрэмісцкай накіраванасці ў наш час. Кніга з’яўляецца не проста данінай памяці загінуўшым мірным жыхарам краіны, але і садзейнічае захаванню гістарычнай праўды.
Як адзначыла старшы памочнік пракурора Лепельскага раёна Грышкевіч Карына Віктараўна: атрыманыя ў ходзе расследавання крымінальнай справы доказы дазваляюць сцвярджаць, што маштабы трагедыі беларускага народа значна большыя, чым меркавалася раней. Устаноўлена, што ў гады нацысцкай акупацыі на тэрыторыі Беларусі забіта не менш як 3 мільёны мірных грамадзян і ваеннапалонных, або кожны трэці жыхар Беларусі, сагнана ў нямецкае рабства больш за 380 тысяч чалавек, спалена звыш 11,7 тысяч сёл і вёсак.
