Сёння ў свеце налічваецца больш за шэсць тысяч моў. Палова з іх знаходзіцца пад пагрозай знікнення. Дзеля іх захавання і быў абвешчаны Міжнародны дзень роднай мовы.
-
У сувязі з гэтым з 19 па 25 лютага ў бібліятэках ДУК ”Лепельская ЦБС“ быў абвешчаны Тыдзень роднай мовы. На працягу гэтага часу праводзіліся інтэлект-батл, акцыі, бібліякэшынг і іншыя мерапрыемствы.
З 20-га па 22-га лютага карыстальнікі абанемента цэнтральнай раённай бібліятэкі прынялі ўдзел у акцыі ”Пагуляем у перакладчыка“. Самыя эрудзіраваныя за правільныя адказы атрымалі салодкія прызы.
Дзень роднай мовы адзначылі 22 лютага вучні 3 і 4 класаў ДУА ”Домжарыцкая базавая школа Лепельскага раёна“ у мясцовай бібліятэцы. Бібліятэкар правяла для дзяцей бібліякэшынг ”На роднай мове размаўляеш – куфэрак скарбаў адшукаеш!“. Шмат цікавых заданняў выканалі школьнікі: успомнілі словы ветлівасці, здолелі справіцца з лінгвістычнымі і этнаграфічнымі задачамі, знайшлі памылкі ў тэксце і адгадалі ”словы-хітруны“, склалі ”зімовы слоўнічак“ і ”апранулі“ намаляваных дзяўчынак па іх жаданню. У час паэтычных перапынкаў чыталі вершы. Да кожнага этапу гульні дзяцей прыводзілі загадкі, схаваныя ў чырвоным паветраным шары, у вожыка і павука, у кнігах пра сімвалы нашай краіны. Калі ўсе заданні гульні былі выкананы, вучні атрымалі ”Куфэрак скарбаў“, у якім яны знайшлі кнігу ”Таямніцы беларускай мовы“ і цукеркі. Усе разам прыйшлі да высновы, што галоўны скарб – гэта наша родная, беларуская мова. Напрыканцы жадаючыя паглядзелі прэзентацыю ”Пацешная беларуская мова“.
Да свята роднай мовы пад дэвізам ”Любі, шануй, ведай роднае слова“ ў дзіцячай бібліятэцы – філіяле №1 прайшоў Тыдзень беларускай мовы. Для чытачоў старэйшага ўзросту была аформлена выстава ”Беларуская кніга для вас“, для малодшых школьнікаў – ”Беларуская казка – розуму падказка“. Пасля знаёмства з выставамі бібліятэкары прапаноўвалі дзецям прачытаць любімыя вершы, або ўрыўкі з твораў беларускіх аўтараў. На працягу Тыдня наведвальнікі бібліятэкі таксама змаглі паўдзельнічаць у пазнавальнай гульне-віктарыне ”Беларусь – мая радзіма“, літаратурным лато ”Загадкі“. А для вучняў 7-А класа ДУА ”Сярэдняя школа №1 г. Лепеля“ бібліятэкары правялі інтэлект-батл ”Мова родная – мова сэрца“, дзе вучні, прыняўшы ўдзел у розных конкурсах, змаглі паспаборнічаць ў веданні беларускай мовы. На працягу ўсяго Тыдня ў бібліятэцы гучала беларуская мова.
З мэтай павагі да роднай краіны і роднай мовы ў Матырынскай сельскай бібліятэцы – філіяле №24 24 лютага прайшла акцыя ”Рускай мове дай разгрузку, размаўляй па-беларуску!“. Чытачы змаглі пазнаёміцца з выставай твораў беларускіх класікаў і праверыць свае веды ў перакладзе слоў на беларускую мову.
Да дня роднай мовы ў Слабадской сельскай бібліятэцы – філіяле №28 прайшоў лiтаратурна-моўны марафон ”Сэрцам кранiся роднай мовы“. У час цёплай сустрэчы вучнi 4-5 класаў ДУА ”Слабадская сярэдняя школа імя М.М. Пшонкі“ даведалiся пра гiсторыю ўзнiкнення гэтага дня, пра значэнне роднай мовы для ўсiх нас. -
Прачыталi вершы пра мову i нашу Беларусь, адгадвалi загадкi, адказвалi на пытаннi вiктарыны, успомнілі беларускiя прыказкi i прымаўкi, пераклалi словы з рускай мовы на беларускую. Напрыканцы сустрэчы зачыталi 10 запаведзяў аб родная мове Вiктара Шведа. Вось так насычана i цiкава прайшоў наш марафон, на якiм усе мы прыйшлi да высновы, што беларуская мова самая прыгожая i мiлагучная у свеце.
”Прыказка ды прымаўка – роднай мовы прывязка“ – пад такой назвай 21 лютага ў Бароўскай сельскай бібліятэцы здзейснілі вандроўку ў краіну роднай мовы вучні ДУА ”Бароўская сярэдняя школа імя Г.К. Жукава“. Дзеці расказвалі прыказкі і прымаўкі, чыталі вершы беларускіх пісьменнікаў і здзейснілі падарожжа ў гісторыю Міжнароднага дня роднай мовы. Асаблівую ўвагу юных чытачоў бібліятэкары звярнулі на кніжную выставу, якая раскрыла асаблівасці беларускай мовы і яе паходжання. Напрыканцы мерапрыемства вучні прыйшлі да высновы, што наша родная мова для нас – самая прыгожая. Менавіта ў мове захавана гісторыя нашага народа, моц і прыгажосць народнага слова.
Супрацоўнікі цэнтральнай раённай і дзіцячай бібліятэк прынялі ўдзел у акцыі #Віцебскіслоўнік. Былі прадстаўлены два словы ”Ліпа“ і ”Цмок“ на беларускай мове, якія асацыятыўна звязаны з горадам Лепель і Лепельскім раёнам. Гэта словы-брэнды, якія характарызуюць наш край. Дадзеныя словы былі праілюстраваны і размешчаны ў сацыяльных сетках. Па выніках акцыі атрыманы сертыфікат.
Iна Шушкевіч, загадчык аддзела бiблiятэчнага маркетынгу Лепельскай ЦБС.
