Міжнародны дзень роднай мовы – адно з самых багатых і шаноўных свят.
Сёння ў свеце мы налічваем больш за шэсць тысяч моў, але, на жаль, палова з іх ужо пад пагрозай знікнення. Дзеля захавання знікаючых моў і быў абвешчаны дзень роднай мовы. 21 лютага, у рамках Года мiру i стварэння, да Дня роднай мовы ў бібліятэках ДУК «Лепельская ЦБС» былі праведзены розныя мерапрыемствы.
Мова — душа народа, векавая памяць многiх пакаленняў, наш народны нацыянальны скарб. Жыве мова — жыве народ, жыве памяць продкаў. I сёння гонар i абавязак усiх нас — шанаваць родную мову, абараняць яе ад ворагаў. Несумненна, дзень мовы падштурхоўвае нас задумацца пра месца матчынай мовы ў нашым жыцці, пра яе захаванне і перадачу наступным пакаленням. Нашы бацькі, дзяды і прадзеды нямала зрабілі для таго, каб мова была прызнаная роўнай сярод іншых моў свету. Давайце размаўляць па-беларуску.
