Раман Чорны, карэнны лепяльчанін, 3 гады таму паступіў вучыцца ва ўстанову адукацыі “Ваенная акадэмія Рэспублікі Беларусь” на агульнавайсковы факультэт, на спецыяльнасць “кіраванне мотастралковымі падраздзяленнямі”.
Ужо з першага курса Раман паказваў поспехі ў спорце і вучобе, на чацвёртым курсе заваяваў аўтарытэт у калектыве і павагу ў каманднага складу свайго факультэта. Раман кажа, што ў такіх нестандартных і цікавых вучэбных дысцыплінах цяжка сябе не праяўляць. Навыкі, атрыманыя ў акадэміі, спатрэбяцца кожнаму выпускніку не толькі як спецыялісту, а і ў жыцці, як сапраўднаму мужчыну.
— Ваенная акадэмія вучыць пераадольваць цяжкасці, быць смелым і адважным. У сценах акадэміі ў час класных заняткаў, заняткаў на трэнажоры і палігоне Раману прадаставілася магчымасць дакладна вывучыць устройства БМП-2. Пастаянныя заняткі па кіраванні і стральбе з БМП-2, а таксама з розных відаў стралковай зброі дапамаглі хлопцу стаць сапраўдным знаўцам у гэтых дысцыплінах. Гэта пацвярджаюць яго дасягненні і вучэбныя адзнакі. Штогод Раман удзельнічае ў навуковых канферэнцыях, дзе займае прызавыя месцы, з’яўляецца выдатнікам у вучобе і прыкладам для сваіх таварышаў.
Ад усёй душы жадаем маладому воіну, вядома ж, поспехаў у далейшай вучобе дзеля дабрабыту нашай Радзімы!
Святлана ВАЗНЯК
