Карыснае падарожжа.
«Краязнаўчымі сцежкамі запаведніка» так называецца трыццацікіламетровы велапаход, арганізаваны сумеснымі намаганнямі кіраўніка пошукавага клуба «Слабадскія следапыты» Валерыем Тухтам і кіраўніком спартыўнага клуба «Бярэзінскія мадзведзі» Аляксеем Багаўцом.
Бярэзінскі запаведнік гэта не толькі некранутая неруш прыроды Паазер’я, а яшчэ гэта край з багатай гісторыяй. Пазнаёміцца з мінуўшчынай гэтых мясцін рушылі ў чарговае падарожжа слабадскія следапыты і іх домжарыцкія сябры. Сярод наведаных аб’ектаў і памятныя месцы ваеннай гісторыі запаведніка. У гады Вялікай Айчыннай вайны запаведныя лясы ды балоты сталі месцам зараджэння партызанскага руху. Адзін з першых партызанскіх атрадаў арганізаваў ураджэнец вёскі Кветча Кузьма Аўтушка.
Летам 1942 года ён загінуў у баі. Вечны спакой знайшоў на могілках у роднай вёсцы.
У Кветчы мы таксама адшукалі магілу партызана Івана Янкоўскага.
У гады вайны, падчас дзеянняў супраць партызан, ахвярамі фашыстаў былі і мірныя жыхары.
На ўскрайку Кветчы вялікі мемарыял і брацкае пахаванне жыхароў вёскі Пастрэжжа, якія сталі ахвярамі фашыстаў улетку1943 года.
Брацкае пахаванне мірных жыхароў ёсць і на ўскрайку вёскі Крайцы.
А ў цэнтры Крайцаў высіцца абеліск на месцы пахавання воінаў Чырвонай арміі і партызан, якія загінулі падчас вызвалення Лепельшчыны ў чэрвені 1944 года. Сярод пахаваных і сапёр Віктар Кладзіеў, пасмяротна ўдастоены звання Героя Савецкага Саюза.
У барысаўскай вёсцы Броды на вясковых могілках з дапамогай вяскоўцаў адшукалі магілу невядомага партызана.
Пошукі працягваюцца…
Валерый Тухта.
